Bu gün sumqayıtlı şəhidin doğum günüdür.
Əzizağa Ramis oğlu Dadaşov 1994-cü il iyulun 1-də Sumqayıt şəhəri Corat qəsəbəsində anadan olub. Corat qəsəbəsi 7 saylı tam orta məktəb təhsil alıb. Subay idi. Uşaq yaşlarından atasız böyüyən Əzizağa zəhmətkeş və vətənə bağlı olub.
Əzizağa Dadaşov 44 günlük Vətən müharibəsində torpaqlarımızın işğaldan azad olunmasında igidlik göstərib. 19 oktyabrda Füzulinin Yarəhmədli kəndinin azad olunması uğrunda gedən döyüşlərdə şəhid olub. Əzizağa Dadaşov Sumqayıtın Şəhidlər Xiyabanında dəfn olunub.
Prezident İlham Əliyevin Sərəncamına əsasən, Əzizağa Dadaşov ölümündən sonra "Vətən uğrunda", "Cəbrayılın azad olunmasına görə" və "Füzulinin azad olunmasına görə" medalları ilə təltif edilib.
