Sumqayıtda 1 İyun - Uşaqların Beynəlxalq Müdafiəsi Günü münasibətilə bayram pikniki keçirilib. Sumqayıt24 bu haqda iyunun 1-i xəbər verir.
Bayram şənliyi General M. Əsədov adına İnteqrasiya təlimli internat tipli məktəbin həssas qrupa aid olan şagirdləri üçün təşkil olunub.
Xidmət Sahələri üzrə Sumqayıt Dövlət Peşə Təhsil Mərkəzinin mühəndis-pedaqoji heyəti və tələbələri tərəfindən keçirilən bayram tədbirində mərkəzin Aşpaz ixtisası üzrə təhsil alan tələbələri müxtəlif fastfud yeməklərlə, Bərbər-vizajist-manikürçü ixtisasının tələbələri feysartla, Turizm sahəsində iaşə üzrə mütəxəssis ixtisasında təhsil alan tələbələr süfrə tərtibatı və qulluqla şagirdlərə xidmət ediblər. Tədbir bir neçə xalqların maraqlı rəqslərinin nümayişi ilə başa çatıb.
