Heydər Əliyev Mərkəzində Qızıl Aypara Cəmiyyətinin (QAC) 102 illiyinə həsr olunmuş intellektual “Bilik” yarışı keçirilib. Sumqayıt24 bu haqda bu gün, 5 mart tarixində QAC-ın Facebook hesabına istinadən xəbər verir.
2 hissədən ibarət olan yarışda şəhərin müxtəlif sahələrini təmsil edən 7 komanda iştirak edib. Nəticədə Sumqayıt Könüllü Cəmiyyəti 1-ci, SDU 2-ci, Asan xidmət Mərkəzinin komandası isə 3-cü yerə layiq görülüblər.
Qalib komandalar bölmə tərəfindən diplom, kubok və hədiyyələr ilə təltif edilib.
Qızıl Aypara Cəmiyyətinin təməli 1920-ci ildə general-leytenant Əliağa Şıxlinski tərəfindən qoyulub.
