Sumqayıtda “Heydər Əliyev və Azərbaycan gəncliyi” adlı dəyirmi masa keçirilib. Bu haqda 14 aprel tarixində Sumqayıt24 şəhər Gənclər və İdman İdarəsinə istinadən xəbər verir.
1 saylı regional “ASAN xidmət” Mərkəzi və Gənclər və İdman Baş İdarəsinin birgə təşkil etdiyi tədbir Sumqayıtın Tarixi Muzeyində baş tutub. Əvvəlcə qonaqlar Muzeyin foyesində dahi şəxsiyyət Heydər Əliyevə aid guşəyə baxış keçiriblər. Dəyirmi masa ətrafında davam edən tədbirdə şəhidlərimizin əziz xatirəsi bir dəqiqəlik sükutla yad edilib, ulu öndər Heydər Əliyevin şərəfli həyat yolundan bəhs edən qısametrajlı film izlənilib. Çıxış edənlər ümummilli Lider Heydər Əliyev tərəfindən əsası qoyulmuş dövlət gənclər siyasətindən, onun gənc nəslə olan diqqət və qayğısından və müstəqilliyin qorunub saxlanılması istiqamətindəki əvəzsiz xidmətlərindən bəhs ediblər.
