Sumqayıtda “Heydər Əliyev irsi” adlı dəyirmi masa keçirilib. Bu haqda 30 mart tarixində Sumqayıt24 Gənclər və İdman Baş İdarəsinə istinadən xəbər verir.
Ümummilli lider Heydər Əliyevin 100 illik yubileyinə həsr edilmiş tədbir Heydər Əliyev Mərkəzində baş tutub. Əvvəlcə qonaqların iştirakı ilə Mərkəzin foyesində dahi şəxsiyyət haqqında qısametrajlı videoçarxa baxış keçirilib.
Dəyirmi masa ətrafında davam edən toplantıda ümummilli liderin və şəhidlərimizin əziz xatirəsi bir dəqiqəlik sükutla yad edilib. Çıxış edənlər ulu öndər tərəfindən qoyulmuş dövlət gənclər siyasətindən, onun gənc nəslə olan diqqət və qayğısından, müstəqilliyin qorunub saxlanılması istiqamətindəki əvəzsiz xidmətlərindən danışıblar.
