Sumqayıtda ümummilli lider Heydər Əliyevin 100 illiyinə həsr olunan “Mən fəxr edirəm ki, azərbaycanlıyam” adlı tədbir keçirilib. Bu haqda 3 may tarixində Sumqayıt24 xəbər verir.
Heydər Əliyev Mərkəzi və 41 saylı tam orta məktəbin birgə təşkilatçılığı ilə baş tutan tədbirdə iştirakçılar ulu öndərin büstünün qarşısına gül dəstələri düzüb, əziz xatirəsinə ehtiramlarını bildiriblər. Daha sonra Dövlət Himni səsləndirilib və şəhidlərimizin əziz xatirəsi bir dəqiqəlik sükutla yad edilib.
Məktəbin direktoru Gülnarə Babayeva gələn qonaqlara öz təşəkkürünü bildirib və qeyd edib ki, bu səpkidə olan tədbirlər şagirdlərin inkişafına müsbət təsir göstərir. Daha sonra məktəbin 1”B”sinfinin şagirdləri tərəfindən qonaqlara ədəbi-bədii kompozisiya təqdim edilib. Tədbirin sonunda ulu öndərin həyat və fəaliyyətindən bəhs edən filmə baxılıb.
