Sumqayıt Şəhər İcra Hakimiyyəti yanında İctimai Şuranın iclası keçirilib. Sumqayıt24 bu haqda 17 fevral tarixində Dünya TV-yə istinadən xəbər verir.
Tədbirdə şəhər rəhbəri Zakir Fərəcov, şuranın sədri Hümbət Quliyev və üzvlər iştirak ediblər. Hümbət Quliyev dövlət başçısının Azərbaycanda vətəndaş cəmiyyəti institutlarının fəaliyyətinin genişləndirməsindən, qeyri-hökümət təşkilatlarının dövlət idarəçiliyi və qanun yaradıcılığı prosesinin iştirakçısına çevrilməsindən danışıb.
Şura sədri əvvəlki iclasda qaldırılan məsələlərin həlli işlərindən danışıb. Bildirilib ki, problemlər, verilən təkliflər rəsmi şəkildə İcra Hakimiyyətinə çatdırılıb, həmin məsələlər artıq həll olunub.
Çıxış edən Zakir Fərəcov müzakirə edilən məsələlərdən irəli gələn vəzifələrin yerinə yetirilməsi, bu sahədə ictimai şuranın rolunun və fəallığının artırılmasının vacibliyini vurğulayıb.
Zakir Fərəcov vəsiqələri İctimai Şuranın üzvlərinə təqdim edib.
