Sumqayıt şəhər icra hakimiyyəti peyvəndlənmiş itlərin tələf olunmasına münasibət bildirib. Bu haqda 9 iyun tarixində xəbər veririk.
Qurumdan Sumqayıt24-ə bildirilib: “Sumqayıt şəhərində sakinlərin təhlükəsizliyinin təmin edilməsi məqsədi ilə davamlı olaraq, sahibsiz itlərin götürülməsi və ərazidən uzaqlaşdırılması işləri həyata keçirilir. Məlumat üçün bildirək ki, onlarla itin ölməsi ilə bağlı məlumat həqiqətə uyğun deyil. Şəhər ərazisində bir itin ölməsi və birinin yaralanması ilə bağlı məlumat daxil olub. Aidiyyəti qurumlar tərəfindən yaralı itin sığınacağa yerləşdirilməsi təmin olunub. Hadisəni törətmiş şəxsin axtarılması və müəyyənləşdirilməsi məqsədi ilə aidiyyəti qurumlara Sumqayıt şəhər İcra Hakimiyyəti tərəfindən müraciət olunub”, - deyə qeyd olunub.
