Sumqayıt şəhərinin İnşaatçılar qəsəbəsində antisanitariya vəziyyəti hökm sürür. Bu haqda 31 mart tarixində Sumqayıt24 Baku TV-yə istinadən xəbər verir.
Ərazidə yaşayan sakinlər iddia edirlər ki, uzun zaman burada üstüaçıq formada kanalizasiya kanalı axır.
“Hava isindi, bir az külək əsən kimi ətrafdakı pis qoxu evlərə qədər gəlib çatır. Bu səbəbdən pəncərələri belə aça bilmirik. Xəstəlik mənbəyidir bura”, - deyə sakinlər bildiriblər.
Məsələ ilə bağlı Sumqayıt şəhər İcra hakimiyyətindən bildirilib ki, mövcud vəziyyətin aradan qaldırılması üçün aidiyyəti qurumlar tərəfindən zəruri tədbirlər görüləcək.
