İsrailli həkimlər Sumqayıt Tibb Mərkəzində (STM) olublar. Sumqayıt24 bu haqda 12 iyun tarixində TƏBİB-ə istinadən xəbər verir.
Heydər Əliyev Fondunun dəstəyi ilə Soroka Universiteti Tibb Mərkəzinin Neyrocərrahiyyə şöbəsinin müdiri Mikki Gideon, Uşaq nevrologiyası və autizm şöbəsinin müdiri Analiya Diana, Uşaq reanimasiyası şöbəsinin müdiri Tsaxi, Karmel Tibb Mərkəzinin Uşaq İnkişafı İnstitutunun rəhbəri Şemir Lilah və Şnayder Tibb Mərkəzinin Uşaq nevrologiyası şöbəsinin müdiri Dani Landau Azərbaycana gəliblər. Onlar STM-in nəzdində olan Perinatal Mərkəzlə tanış olublar.
Mərkəzin direktoru Səkinə Sadıxova qonaqlara qurum barədə məlumat verib, Perinatal Mərkəzdə perinatal və reproduktiv sağlamlıq xidməti göstərildiyini bildirib.
Sonda israilli həkimlərin sualları cavablandırılıb.
