Sumqayıtda “Narkomaniya bəşəriyyətin bəlasıdır“ adlı görüş keçirilib. Bu haqda Sumqayıt24 məlumat verir.
Gənclər və İdman Baş İdarəsi, Polis İdarəsi və Narkoloji Dispanserin təşkil etdiyi görüş "İstedad" liseyində baş tutub. Çıxışçılar narkomaniyanın gənclər və yeniyetmələr arasında daha çox yayılma təhlükəsindən, QİÇS, hepatit kimi sağalmaz xəstəliklərə səbəb olan narkotik və onların prekursorlarının insana vurduğu zərərlərdən danışıblar. Gənclərə həyatı aktiv və sağlam keçirmək tövsiyə edilib.
