Sumqayıtda zavodda bədbəxt hadisə baş verib. Sumqayıt24 bu barədə 23 sentyabr tarixində Qafqazinfo.az-a istinadən xəbər verir.
Hadisə şəhərin H.Z. Tağıyev qəsəbəsində yerləşən “İdeal Kərpic Zavodu” MMC-yə məxsus zavodda qeydə alınıb. Burada fəhlə işləyən 29 yaşlı Güloğlan Allahverdiyev bunker adlanan tikilidən yıxılıb. Ağır xəsarətlər alan işçi xəstəxanaya yerləşdirilib.
Tibbi müdaxiləyə baxmayaraq, gənc Respublika Neyrocərrahiyyə Xəstəxanasında vəfat edib.
Faktla bağlı Sumqayıt Şəhər Prokurorluğunda cinayət işi açılıb, araşdırma aparılır.
