Kazan Dövlət Energetika Universitetinin nümayəndə heyətinin Sumqayıt Dövlət Universitetinə (SDU) səfəri baş tutub.
Sumqayit24.az xəbər verir ki, SDU-nun rektoru Rüfət Əzizov qonaq universitetinin Xarici Dillər kafedrasının müdiri fil.e.d., prof. G. F. Lutfullinanı və kafedranın dosenti, ped.e.d. E. V. Dmitriyevanı qəbul edib.
Görüş çərçivəsində qarşılıqlı maraq doğuran məsələlərə toxunulub və görüşün hər iki universitetin tələbə və müəllimləri arasında uğurlu əməkdaşlığa töhfə verəcəyi bildirilib. Sonra qonaqlar SDU-nun Filologiya fakültəsində Xarici Dillər kafedrasının təlim, tədris və elmi-tədqiqat işlərinin təşkili ilə tanış olublar.
Qeyd edək ki, Kazan Dövlət Energetika Universiteti (KDEU) və SDU arasında beynəlxalq əməkdaşlıq 2013-cü ildən başlayıb.
