Sumqayıtda “Qələbəyə gedən yol” adlı tədbir keçirilib. Bu barədə 21 sentyabr tarixində Sumqayıt MKS-yə istinadən xəbər veririk.
Yığıncaq 15 nömrəli tam orta məktəbin 1a sinfində baş tutub. Səməd Vurğun adına Mərkəzi Kitabxananın Uşaq şöbəsinin kollektivi tərəfindən təşkil olunan tədbirdə ilk öncə şəhidlərimizin əziz xatirəsi bir dəqiqəlik sükutla yad edilib. Kitabxananın multimedia mütəxəssisi Lalə Muradova Vətən müharibəsindən bəhs edib. O, Azərbaycan Ordusunun 44 gün davam edən əks-hücum əməliyyatında göstərdiyi şücaət və qəhrəmanlıqlarından danışıb. Burada şagirdlər vətənpərvərlik mövzusunda müxtəlif şeirlərlə çıxış ediblər. Sonda şagirdlər qəhrəmanlarımızın həyat və fəaliyyətini özündə əks etdirən kitablarla tanış olublar.
