Dövlət Gömrük Komitəsinin (DGK) sədri Şahin Bağırov Sumqayıtda vətəndaş qəbulu keçirib. Bu haqda 23 fevral tarixində Sumqayıt24 xəbər verir.
Heydər Əliyev Mərkəzində baş tutan görüşdə Sumqayıt şəhəri, Abşeron və Qubadlı rayonlarından olan vətəndaşlar iştirak ediblər.
Şahin Bağırov qəbuldan öncə ümummilli lider Heydər Əliyevin abidəsini ziyarət edərək önünə gül dəstəsi qoyub. Qəbul zamanı qaldırılan məsələlərin bir qismi yerindəcə həllini tapıb. Araşdırılması tələb olunan bəzi müraciətlərlə bağlı müvafiq tədbirlər görülməsi üçün aidiyyəti strukturların rəhbərlərinə tapşırıqlar verilib.
