28 nömrəli körpələr evi-uşaq bağçasının balaca fidanları və müəllim heyəti Mərkəzi Uşaq Kitabxanasına ekskursiya ediblər. Bu haqda 14 iyun tarixində Sumqayıt MKS-ə istinadən məlumat veririk.
Kitabxanalar haqqında ilkin təəssürat yaratmaq məqsədilə təşkil olunan ekskursiya zamanı uşaqlar oxu zalında Azərbaycan nağıllarını dinləyib, viktorinada iştirak ediblər. Kitabxana əməkdaşı fidanlara kitabları necə seçməyi, kitabla düzgün davranma qaydalarını öyrədib.
Sonda iştirakçılar cizgi filmlərinə və kitabxana əməkdaşlarının hazırladıqları kukla tamaşalarına baxıblar.
