XIX əsrin 70-ci illərində Azərbaycanda milli teatrın yaranması mədəniyyətimizin tarixində çox böyük hadisə olub. 1873-cü il martın 10-da Bakı Realnı məktəbinin teatr həvəskarları truppası tərəfindən M.F.Axundzadənin "Sərgüzəşti-vəziri-xani Lənkəran" komediyası tamaşaya qoyulub. Məhz martın 10-u - Azərbaycan milli teatrının əsası qoyulan günü teatrsevərlər Milli Teatr Günü kimi qeyd edirlər.
Sumqayit24.az-ın əməkdaşı bu gün münasibətilə Azərbaycanın Əməkdar artisti, ömrünün bir qismini Sumqayıt Dövlət Dram Teatrına vermiş Kübra Əliyeva ilə əlaqə saxlayıb.
O, saytımız vasitəsilə bütün həmkarlarını təbrik edib:
“Səhhətim çox yaxşıdır. Bütün həmkarlarımı Milli Teatr Günü münasibətilə təbrik edirəm. Bu yolu seçən gənclərə isə uğurlar olsun. Teatra layiq aktyor və aktrisa olsunlar”.
Kübra Əliyeva teatrın son 10 ildəki vəziyyətilə bağlı sualımızı cavablandırmaq istəmədiyini vurğuladı:
“Bu barədə danışmaq istəmirəm. Çünki artıq uzun illərdir ki, teatr sahəsindən uzaqlaşmışam. Ona görə fikir bildirə bilmərəm”.
Fidan İlqar
