Sumqayıtda küçələrdən birində yolun vəziyyəti narahatlıq yaradır.
Sumqayit24.az-a müraciət edən sakinlərin sözlərinə görə, Yəhya Məmmədov küçəsində, Sumqayıt Alüminium Zavodunun yaxınlığında yol irili-xırdalı çuxurlardan ibarətdir.
Sürücülər bildirirlər ki, yolun kələ-kötür vəziyyəti xüsusilə nəqliyyat vasitələrinin hərəkətini çətinləşdirir, avtomobillərə maddi ziyan vurur və qəza riskini artırır.
Sakinlər aidiyyəti qurumlardan əraziyə baxış keçirilməsini və yolun təmir olunmasını xahiş edirlər.
