Sumqayıtda mağazada istehlaka yararsız ət məhsulları satılır. Sumqayıt24 bu haqda 13 iyun tarixində Qida Təhlükəsizliyi Agentliyinə (AQTA) istinadən xəbər verir.
Elmir Zeynalova məxsus “Mədinəm” ət və ət məhsullarının satışı mağazasında (40-cı məhəllə, H. Əliyev prospekti) plandankənar yoxlama aparılıb. Satışda olan bəzi qida məhsullarının markalanmasının tələblərə cavab vermədiyi, yararlılıq müddəti ötmüş məhsulların satıldığı aşkarlanıb. Həmçinin götürülmüş nümunələrin nəticələrinə görə, ətlərin istehlaka yararsız olduğu müəyyən olunub.
Faktla bağlı sahibkar barəsində protokol tərtib edilib. Markalanması qanunvericiliyin tələblərinə cavab verməyən məhsulların satışı dayandırılıb və yararsız ətlər məhv edilib. [modula id="37712"]
