Sumqayıt Apellyasiya Məhkəməsinin bir qrup hakimi və məhkəmə aparatının əməkdaşları sağlamlıq imkanları məhdud uşaqlara baş çəkiblər. Bu haqda 6 iyun tarixində Sumqayıt24 DİİXİ Həmkarlar İttifaqına istinadən xəbər verir.
Ümummilli lider Heydər Əliyevin 100 illiyinə həsr olunmuş tədbirlər çərçivəsində əməkdaşlar 2 saylı sağlamlıq imkanları məhdud uşaqlar üçün sosial xidmət müəssisəsində olublar. Uşaqların qayğıları və təlim-tərbiyəsi ilə maraqlanılıb.
Görüş zamanı uşaqlarla maarifləndirici söhbətlər aparılıb, onları maraqlandıran suallara aydınlıq gətirilib. Məhkəmənin Həmkarlar Təşkilatı tərəfindən hədiyyələr təqdim edilib. Sonda xatirə şəkli çəkilib.
