“İctimai Nəzarət Koalisiyası” İB-nin sədri Rasim Məmmədovun şikayətinə baxılıb. Sumqayıt24 bu haqda 13 aprel tarixində Apa.az-a istinadən xəbər verir.
Sumqayıt Apellyasiya Məhkəməsində hakim Elman Əhmədovun sədrliyi ilə baxılan iş üzrə qərar elan olunub. Qərara əsasən, Rasim Məmmədov barəsində birinci instansiya məhkəməsinin hökmü qüvvədə saxlanılıb.
Qeyd edək ki, Rasim Məmmədov 2022-ci ilin fevral ayında həbs olunub. O, 2021-ci il sentyabrın 17-də Sumqayıtda yerləşən “Azmetal” MMC-yə gələrək oranın direktor müavini Ramiz Hüseynovu əsassız söyüb, çölə çıxmasını tələb edib. Ramiz Hüseynov həyətə düşdükdən sonra Rasim onu yenidən söyüb və telefonla şirkətin anbardarı Sabir İsmayılovun başına üç dəfə vurub.
Bu əmələ görə Rasim Məmmədov Sumqayıt Ağır Cinayətlər Məhkəməsinin hökmü ilə 2 il 6 ay müddətinə azadlıqdan məhrum edilib.
