Sumqayıt Qadın Resurs Mərkəzində “Zərərli vərdişlərə yox deyək!” adlı maarifləndirici tədbir keçirilib. Bu haqda 17 aprel tarixində Sumqayıt24 Mərkəzə istinadən xəbər verir.
Seminarda təqdimatla çıxış edən Mərkəzin koordinatoru Günel Ələkbərova zərərli vərdişlərin sosial və fiziki cəhətdən yaratdığı fəsadları barədə iştirakçılara ətraflı məlumat verib. İnteraktiv formatda keçirilən təlimdə 30 nəfər yuxarı sinif şagirdi və müəllimlər iştirak ediblər.
Tədbirin keçirilməsində əsas məqsəd gəncləri asılılıq yaradan zərərli vərdişlər və onların yaratdığı mənfi təsirlər barədə məlumatlandırmaqdır.
