Sumqayıt Dövlət Universitetində (SDU) “Maliyyə savadlılığı” mövzusunda növbəti təlimlər keçirilib. Bu haqda 26 aprel tarixində Sumqayıt24 SDU-ya istinadən məlumat verir.
Mərkəzi Bankın müvafiq struktur mütəxəssislərinin təlimçiliyi ilə təşkil olunan seminarda universitetin əməkdaşları ilə bərabər tələbələr də iştirak ediblər.
Spikerlər xərclərin proqnozlaşdırılması, onun düzgün və dəqiq müəyyən edilməsində buraxılan səhvlərin bu planlaşmada oynadığı rol barədə ətraflı məlumat verib. İstehlakçı-bank münasibətlərindən danışan böyük mütəxəssis istehlakçılara müştəriləri olduqları bankın təqdim etdiyi bütün sənədlərlə diqqətlə tanış olmağın gözlənilməz anlaşılmazlıqlardan qaçmaq üçün vacib olduğunu bildirilib.
İştirakçıların interaktivliyi ilə davam edən təlim kibertəhlükəsizlik, mobil tətbiqlər və digər məsələlər barədə sualların cavablandırılması ilə davam etdirilib.
