Sumqayıtın məşhur zavodunun dövlətə milyonlarla vergi borcu var. Sumqayıt24 bu haqda 5 may tarixində Xeberle.com-a istinadən xəbər verir.
"Azərboru” ASC İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə 5 milyon 877 min 546 manat 74 qəpik borcunu ödəmir. Sözügedən zavod illərdir zərərlə çalışır. Hətta ASC-nin banklara da külli miqdarda borcu yaranıb.
Qeyd edək ki, ümumilikdə 9 milyon 300 min manat dəyərləndirilən zavod 168 hektar ərazidə yerləşir. 1949-cu ildən istismara verilib və vaxtı ilə burada 12.500 nəfər işçi çalışıb. "Azərboru” keçmiş Sovet məkanında metallurgiya sahəsində boru istehsalı gücünə görə iki nəhəng zavoddan biri idi.
