Sumqayıt şəhəri, Kotec qəsəbəsi, Qorki küçəsindəki yol sürücülərin "kabusuna" çevrilib.
Belə ki, küçənin ortasında yerləşən kanalizasiya lükünün bir tərəfi asfalt örtüyünün səviyyəsindən yuxarı qalxıb. Nəticədə həmin hissə yolda təhlükəli maneə yaradır. Xüsusilə gecə saatlarında bu təhlükəni vaxtında fərq etməyən sürücülər avtomobillərini lükün üzərinə sürür, bu isə nəqliyyat vasitələrinin alt hissəsinin zədələnməsinə səbəb olur.
Sakinlərin sözlərinə görə, problem artıq bir müddətdir davam edir və sürücülərə maddi ziyan vurur. Onlar aidiyyəti qurumlardan sözügedən təhlükənin qısa zamanda aradan qaldırılmasını tələb edirlər.
