Sumqayıtda dəniz çəkilməyə davam edir. Sumqayıt24 bu haqda 7 aprel tarixində xəbər verir.
Hazırda bulvarın divarından Xəzərə qədər 250 metr, bəzi yerlərdə isə bundan çox məsafə var. Halbuki bir müddət öncə məsafə 40 metr idi.
Suyun çəkilməsi nəticəsində sahildə olan daşlar üzə çıxır. Daşların arası mamır və yosunlarla dolur. Günəşin altında onlar çürüyür, bu səbəblərdən də xoşagəlməz mənzərə yaranır və ətrafı pis qoxu bürüyür. Hazırda texnika vasitəsilə daşlar ərazidən daşınır.
Qeyd edək ki, Xəzərdə suyun səviyyəsinin dəyişkənliyi ötən əsrdə də olub. Ən aşağı səviyyəyə isə 1970-ci ildə enib. Alimlər bunun səbəbini iqlim dəyişikliyi, yağıntıların azlığı və dənizə tökülən çaylarda suyun azalması ilə əlaqələndirirlər. [modula id="34225"]
