Sumqayıt şəhər Şəhidlər xiyabanında polkovnik-leytenant Raquf Orucovun anım mərasimi keçirilib. Bu haqda 5 aprel tarixində Sumqayıt24 “ASAN Radio”ya istinadən xəbər verir.
Anım mərasimində əfsanəvi döyüşçünün ailə üzvləri ilə yanaşı, ictimaiyyət nümayəndələri, döyüş yoldaşları, şəhid ailələri və məktəblilər iştirak ediblər. Tədbir iştirakçıları Aprel döyüşlərində şəhid olmuş kəşfiyyatçımızın məzarını ziyarət edərək, xatirəsini ehtiramla yad ediblər.
“Murov qartalı" ləqəbli Raquf Orucov ölümündən sonra "İgidliyə görə" medalı ilə təltif edilib.
