Sumqayıtda piyada səkisində yarımçıq qalan təmir işləri narazılıq yaradıb.
Bu barədə Sumqayit24.az-a yerli sakinlər məlumat veriblər.
Şikayətçilərin iddiasına görə, Kimyaçılar qəsəbəsində, sakinlər arasında "Şüşə zavodu" kimi tanınan əraziyə gedən yolda qazıntı işləri aparılıb. Lakin ərazi hələ də bərpa edilməyib.
Sakinlərin sözlərinə əsasən, təxminən 10 gündən çoxdur ki, ərazi bu vəziyyətdədir və toz-torpaq səbəbindən ərazidə hərəkət etmək olmur.
"10 gündən çoxdur ki, burada nəfəs almaq olmur. Böyük maşın keçən kimi toz-torpaq qalxır, hamısı həyətə dolur", - deyə vətəndaş narahatlığını ifadə edib.
Şikayətçilər aidiyyəti qurumlardan əraziyə baxış keçirilməsini və problemin həllini tələb edirlər.
