"Xəzəri qoruyaq" devizi altında mövsümün sonuncu kütləvi təmizlik aksiyası Xəzərin Novxanı sahilində keçirilib.
Sumqayıt24 xəbər verir ki, Ümumrespublika Təmizlik Marafonu çərçivəsində təşkil olunan iməcilikdə Ekologiya və Təbii Sərvətlər Nazirliyinin, dövlət və özəl qurumların təmsilçiləri, könüllü gənclər təşkilatlarının üzvləri, həmçinin tanınmış ictimaiyyət nümayəndələri iştirak edib. Aksiya zamanı dəniz sahilindən 3 ton tullantı təmizlənərək daşınıb.
Qeyd edək ki, Ümumrespublika Təmizlik Marafonuna may ayından start verilib.
