Nümunəvi ictimai çimərliklər ziyarətçilərin istifadəsinə verilib. Sumqayıt24 bu haqda 14 iyun tarixində Report.az-a istinadən xəbər verir.
Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə Novxanı qəsəbəsində baxımsız sahilyanı ərazilərdə yaradılan pulsuz çimərliklərdə hazırlıq işləri tamamlanıb. İstirahət məkanları sakinlərin istifadəsinə hazırdır.
Həmçinin ərazilərə Fövqəladə Hallar Nazirliyinin xilasetmə məntəqələri, tələbata uyğun miqdarda kölgəliklər, soyunub-geyinmə və duş kabinləri, sanitar qovşaqlar, söhbətgahlar, oturacaqlar və şezlonqlar, zibil konteynerləri yerləşdirilib, futbol və voleybol meydançaları yenilənib. Yaradılan bütün imkanlardan ödənişsiz istifadə etmək olar.
