Abşeronda torpaq qiymətlərinin sürətlə bahalaşması fonunda neftlə çirklənmiş minlərlə hektar ərazinin rekultivasiyası yenidən gündəmə gəlib.
Mütəxəssislərin sözlərinə görə, 2025–2026-cı illərdə Abşeronda torpaq qiymətləri orta hesabla 35–40% artıb. Ən bahalı ərazilər sırasında Novxanı da yer alır. Burada torpağın bir sotu 40–80 min manat, bəzi prestijli ərazilərdə isə daha yüksək qiymətə təklif olunur.
Ekologiya və Təbii Sərvətlər Nazirliyi yanında İctimai Şuranın sədr müavini Amin Məmmədov bildirib ki, Abşeron yarımadasında təxminən 17 min hektar neftlə çirklənmiş torpaq mövcuddur. Onun sözlərinə görə, ərazilərin böyük hissəsi səthi çirklənməyə məruz qalıb, lakin 2,5–3 min hektarında dərin çirklənmə var və onların tam təmizlənməsi üçün yarım milyard dollara qədər vəsait tələb oluna bilər.
Ekspert qeyd edib ki, bu torpaqların rekultivasiyası həm ekoloji riskləri azalda, həm də Novxanı kimi bahalı ərazilərdə yeni torpaq ehtiyatlarının dövriyyəyə qaytarılmasına imkan yarada bilər.
Mənbə: Haqqin.аz
