Sumqayıt Kimya Sənaye Parkının rezidenti stasionar dəniz platforma kranının istehsalına başlayıb. Bu haqda 18 aprel tarixində Sumqayıt24 İqtisadiyyat Nazirliyinə istinadən xəbər verir.
Məhsul Azərbaycanda ilk dəfə olaraq, “SOCAR-STP” MMC tərəfindən istehsal olunur. Məhsulun təqdimat mərasimində bildirilib ki, “80-30 (35T)” markalı barbet üzərində stasionar dəniz platforma kranı SOKAR-nin “Azneft” İB-nin sifarişi əsasında Türkiyənin Gürdesan şirkəti ilə birlikdə hazırlanıb. Uzunluğu 35 metr olan kranın ümumi yük qaldırma gücü 35 tondur. İstehsal edilən stasionar dəniz platforma kranı SOCAR-nin “Azneft” İB-nin platformalarında istifadə ediləcək.
