Sumqayıt Kimya Sənaye Parkının rezidenti delinatorların istehsalına başlayıb. Bu haqda 14 avqust tarixində Sumqayıt24 İqtisadi Zonaların İnkişafı Agentliyinə (İZİA) istinadən məlumat verir.
Məhsul Azərbaycanda ilk dəfə olaraq STP Polimer Zavodunda istehsal olunacaq. İlkin mərhələdə delinator 75x8 sm, növbəti mərhələdə isə 45x8 sm ölçüdə istehsal ediləcək. Cari ilin sonunadək 10 min ədəd delinatorun istehsalı nəzərdə tutulur.
Delinator idarəedici və dayanmış nəqliyyat vasitələrini piyadaların hərəkətindən ayırmaq, ikitərəfli yollarda zolaqları bölmək, orta zolaqlarda təhlükəsizliyi təmin etmək, piyadaları və sürücüləri xəbərdar etmək üçün istifadə olunan çevik, qırılmaz materialdır.
