Sumqayıtda etdiyi xuliqanlığa görə həbs olunan Rasim Məmmədovun apellyasiya şikayəti təmin edilməyib. Bu haqda Report-a istinadən xəbər veririk.
Bu məlumatı onun vəkili Kamandar Nəsirov yayıb. O bildirib ki, Sumqayıt Apellyasiya Məhkəməsinin hakimi Ruhiyyə Əsgərova şikayətin təmin edilməməsi barədə qərar çıxarıb: “Biz ittihamla razı deyilik”.
Xatırladaq ki, özünü “İctimai Nəzarət Koalisiyası” İB-nin sədri kimi təqdim edən Rasim Məmmədov 17 sentyabr 2021-ci ildə “Azmetal” MMC-yə gələrək oranın direktor müavini Ramiz Hüseynovu söymüş, əlindəki telefonla isə MMC-nin anbardarı Sabir İsmayılovun baş nahiyəsinə 3 dəfə zərbə vurmuşdur.
Sumqayıt Şəhər Məhkəməsinin qərarı ilə onun barəsində 3 ay müddətinə həbs qətimkan tədbiri seçilib.
