Xidmət Sahələri üzrə Sumqayıt Dövlət Peşə Təhsil Mərkəzində İİV-yə (İnsanın immunçatışmazlığı virusu) qarşı ekspres müayinə aparılıb. Sumqayıt24 bu haqda 23 may tarixində xəbər verir.
Respublika QİÇS ilə Mübarizə Mərkəzinin Sumqayıt Regional Laboratoriyasının mütəxəssisləri təhsil ocağında İİV ilə bağlı müayinə və maarifləndirmə aksiyası keçiriblər. Əsas hədəf əhali arasında xəstəliyin yayılma riskini azaltmaq, yoluxma faktlarını vaxtında aşkarlamaqdır.
Aksiyada tələbələr ekspres-testdən keçiblər, onların suallarına aydınlıq gətirilib və laboratoriya tərəfindən İİV/QİÇS-yə aid broşürlər, bukletlər paylanılıb.
