Polşanın Belostok şəhərinin meri Sumqayıta gəlib.
Sumqayit24.az xəbər verir ki, Tadeuş Truskolyaski səfər çərçivəsində icra başçısı Zakir Fərəcovla görüşüb. Onlar ikitərəfli münasibətlərin müxtəlif aspektləri və qarşılıqlı maraq doğuran sahələrdə əməkdaşlığın perspektivlərindən danışıblar.
Zakir Fərəcov nümayəndə heyətinə Sumqayıtın tarixi, sosial və iqtisadi inkişafı, sənaye potensialı, şəhərdə son illərdə həyata keçirilən layihələr haqqında məlumat verib. Hər iki şəhərin qarşılıqlı əlaqələrinin inkişafı ilə bağlı fikir mübadiləsi aparılıb.
Daha sonra qonaqlar Sumqayıt şəhəri ilə yaxından tanış olublar. Onlar şəhər stadionuna, Heydər Əliyev Mərkəzinə, Şahmat Məktəbinə və şəhərin parklarına baş çəkiblər.
