Sumqayıtda çalışan polisin Bakıdakı yanacaqdoldurma məntəqəsində vətəndaşa yardımı müsbət qarşılanıb.
Məlumata görə, Badamdar qəsəbəsində sürücü avtomobilinə yanacaq doldurmaq üçün məntəqəyə daxil olub. O, avtomobildən düşərək sifariş verdikdən qısa müddət sonra qəfil qıcolma keçirib və arxası üstə yerə yıxılıb.
Hadisə zamanı həmin ərazidə öz avtomobilinə yanacaq dolduran Sumqayıt Şəhər Baş Polis İdarəsinin əməkdaşı Ruslan Mehdiyev vəziyyəti dərhal qiymətləndirərək vətəndaşa yardım göstərib. Polis əməkdaşı ilkin tibbi müdaxilə edərək şəxsin vəziyyətinin stabilləşməsinə və özünə gəlməsinə kömək edib.
Mənbə: Partul.az
