Sumqayıt şəhərinin İnşaatçılar qəsəbəsində yaşayan sakinlər mövcud şəraitdən narazıdırlar.
Sumqayit24.az-a müraciət edən vətəndaşların sözlərinə görə, ərazidə yerləşən və "Finski" kimi tanınan taxta evlər qəzalı vəziyyətdədir.
Sakinlər bildirirlər ki, bununla bağlı dəfələrlə aidiyyəti qurumlara müraciət olunsa da, hələlik heç bir tədbir görülməyib.
Bundan əlavə, yağışlı havalarda kanalizasiya suları evlərin zirzəmilərinə və həyətlərə dolur. Bu vəziyyət isə yaşayış şəraitini daha da çətinləşdirir.
Yerli sakinlər məsələnin nəzarətə götürülməsini və problemin aradan qaldırılmasını xahiş edirlər.
