Qızıl Aypara Cəmiyyətinin (QAC) Sumqayıt bölməsində görüş keçirilib. Sumqayıt24 bu haqda 19 aprel tarixində xəbər verir.
Beynəlxalq Qızıl Xaç və Qızıl Aypara Cəmiyyətlər Federasiyasının “psixi sağlamlıq və psixososial dəstək” üzrə nümayəndəsi Alaa Alnassevi və Azərbaycan Qızıl Aypara Cəmiyyətinin eyni sahə üzrə əlaqələndirici şəxsi Nigar Qədəşova QAC Sumqayıt şəhər bölməsidə olublar.
Sumqayıt Regional Mərkəzinin koordinatoru, bölmənin sədri Mətanət Məhərrəmova görüşün məqsədi barədə məlumat verib, bölmənin əsas fəaliyyətləri ilə bağlı hazırlanmış foto-slayd təqdim edib.
Alaa Alnassevi isə könüllülərə suallar ünvanlayıb. Cavablardan sonra görülən işlərə görə bölmə rəhbərinə və onlara minnətdarlığını bildirib.
