Abşeron-Xızı Regional Təhsil İdarəsinin müdiri İlhamə Abdullayeva beynəlxalq müsabiqədə uğur qazanan müəllim Aliyə Əhmədova ilə görüşüb.
Sumqayit24.az xəbər verir ki, Aliyə Əhmədova qlobal "İqlim Dəyişikliyi Müsabiqəsi"nin 5 finalçısından biri seçilib. Görüş zamanı təhsil idarəsinin müdiri Aliyə Əhmədovanı bu uğuru münasibətilə təbrik edərək, müəllimlərin beynəlxalq səviyyədə tanınmasının təhsil sistemindəki müsbət təsirlərini vurğulayıb.
Aliyə Əhmədova İ.Qayıbov adına 1 nömrəli tam orta məktəbin fizika müəllimidir.
Qeyd edək ki, Oksford Universiteti (Saïd Business School) və Sumqayıt Dövlət Universitetinin (SDU) birgə təşkil etdiyi qlobal “İqlim Dəyişikliyi Müsabiqəsi"nin final mərhələsi COP29 müddətində Bakıda keçiriləcək və qaliblər mötəbər tədbirdə mükafatlandırılacaq.
