Sumqayıtda Vətən müharibəsi şəhidinin mövlud günü keçiriləcək. Sumqayıt24 bu barədə 20 sentyabr tarixində Sumqayit.tv-yə istinadən xəbər verir.
Tədbir sabah saat 10:00-da Sumqayıt Şəhidlər xiyabanında şəhid İsax Verdiyevin məzarının ziyarəti ilə başlayacaq.
Verdiyev İsax Ədalət oğlu 1997-ci il sentyabrın 21-də Tərtər şəhərində anadan olub. İsax 2020-ci il sentyabrın 27-də başlanan Vətən müharibəsi zamanı könüllü olaraq Füzulinin azadlığı uğrunda gedən döyüşlərdə savaşıb. O, oktyabrın 5-i Füzuli rayonu istiqamətində düşmən üzərinə hücuma kecərkən şəhid olub. Ailəli idi, bir oğlu var.
İsax ölümündən sonra "Vətən uğrunda", “Füzulinin azad olunmasına görə” medalları ilə təltif edilib.
