Sumqayıt şəhər Sağlamlıq imkanları məhdud uşaqlar üçün xüsusi məktəbdə bayram tədbiri keçirilib. Sumqayıt24 bu haqda 2 iyun tarixində xəbər verir.
Tədbir 1 İyun - Uşaqların Beynəlxalq Müdafiəsi Gününə həsr olunub. Uşaqlar müxtəlif musiqi sədaları altında rəqs edib, əyləniblər. Sonra FMKD üzvü Lalə Cəlilzadə şagirdlərə huşsuz nəfəs alan və bərpa vəziyyəti, tənəffüs yollarının tutulması, sınıqlar və digər mövzulardan danışıb, praktiki nümayiş etdirib, suallarını cavablandırıb.
Sonda onlara QAC Sumqayıt şəhər bölməsinin kollektivi və könüllüləri tərəfindən hazırlanan hədiyyələr paylanılıb.
