Sumqayıtın icra başçısı Zakir Fərəcov səyyar qəbul keçirib.
Sumqayit24.az xəbər verir ki, görüş Texniki və Təbiət Elmləri Liseyinin binasında baş tutub. Qəbulda şəhər İcra Hakimiyyətinin məsul şəxsləri, idarə, müəssisə, təşkilatların rəhbərləri, şəhid ailələri, qazilər və şəhər sakinləri iştirak edib.
Şəhər rəhbəri vətəndaşları fərdi qaydada dinləyib. Sakinlər tərəfindən qaldırılan müraciətlərin bir qismi yerindəcə həll edilib, araşdırılmasına ehtiyac olan digər məsələlərin həlli üçün isə müvafiq qurumların rəhbərlərinə tapşırıqlar verilib.
