Sumqayıtda “Şəhid ailələri və qazilər, onlarla görülən işlər və qarşıda duran vəzifələr” mövzusunda müşavirə keçirilib. Bu barədə 20 sentyabr tarixində şəhər İcra hakimiyyətinə istinadən xəbər veririk.
Tədbirdə icra başçısı Zakir Fərəcov, hüquq-mühafizə orqanlarının rəhbərləri, idarə, müəssisə və təşkilat rəhbərləri, eləcə də şəhər ictimaiyyətinin nümayəndələri iştirak ediblər. Yığıncaqda bildirilib ki, İcra Hakimiyyəti tərəfindən son illər 618 nəfər şəhid ailəsi və qazi qeydiyyata götürülüb. Onlardan 385 nəfər yeni mənzillə təmin olunub. Ötən dövr ərzində 233 şəhid ailəsi və qazi işlə təmin olunub. Tam fiziki hərəkətləri məhdud olan 27 qazimiz Əlaqələndirmə Mərkəzi tərəfindən himayəyə götürülüb. Həmçinin vurğulanıb ki, Sumqayıt şəhidləri haqqında 600 səhifəlik “Seçilmişlər” adlı kitab nəşr olunaraq təqdimatı keçirilib.
Görüşdə şəhid ailələrinə və qazilərimizə bundan sonra da xüsusi həssaslıqla yanaşmanın vacibliyi diqqətə çatdırılıb. [modula id="23462"]
