Bu gün Vətən müharibəsi şəhidi Orxan Məhərrəmovun doğum günüdür.
Əslən Gürcüstanın Marneuli rayonundakı Qaçağan kəndindən olan Orxan Binət oğlu Məhərrəmov 1994-cü ildə Sumqayıt şəhərində anadan olub. Orxan 2001-2010-cu illərdə 28 saylı məktəbdə doqquz illik təhsil alıb. 2012-ci ildə Gədəbəy rayonu İvanovka kəndində yerləşən N saylı hərbi hissədə xidmət edib.
2020-ci il sentyabrın 27-də başlanan İkinci Qarabağ müharibəsi zamanı Orxan Füzuli və Cəbrayılın azad edilməsində savaşıb. 6 oktyabr 2020-ci ildə Xocavənd rayonunda şəhid olub.
Prezidentin sərəncamına əsasən ölümündən sonra "Cəbrayılın azad olunması", "Füzulinin azad olunması" və “Vətən uğrunda” medalları ilə təltif edilib.
