Sumqayıtda “Heç kim unudulmur, heç nə yaddan çıxmır” adlı sənədli filmin təqdimat mərasimi baş tutub. Bu haqda 27 may tarixində Sumqayıt24 Mədəniyyət Xəbərlərinə istinadən məlumat verir.
Vətən müharibəsi şəhidi olan XTQ giziri Şəhriyar Quliyevin həyatına və döyüş fəaliyyətinə həsr olunan filmin təqdimatı Əli Kərim adına Poeziya Evində keçirilib.
Tədbirdə döyüş yoldaşları, şəhid ailələri, həmçinin Regional Mədəniyyət İdarəsinin əməkdaşı, YAP-ın Sumqayıt təşkilatının sədr müavini Cavid Məmiyev, şair Elnur Uğur, Azərbaycan Nəşriyyatının əməkdaşı Telli Sənəm Borçalı çıxış edərək, qəhrəmanla bağlı xatirələrini bölüşüblər.
Sonra Sahil Abdullayev və Ruslan Əkbərov vətənpərvər musiqilər ifa ediblər. Tədbir iştirakçıları tərəfindən şəhidin ailəsinə qiymətli hədiyyələr təqdim olunub. Sonda xatirə şəkilləri çəkilib.
