Sumqayıtda şəhid və qazi ailələri ziyarət ediliblər. Bu barədə 26 sentyabr tarixində şəhər Gənclər və İdman Baş İdarəsinə istinadən xəbər veririk.
Sumqayıt Şəhər İcra Hakimiyyətinin təşəbbüsü, şəhər Gənclər və İdman Baş İdarəsinin təşkilatçılığı ilə şəhid Anar Heydərovun ailəsi və qazilər - Tural Cəfərov, Elvin Xəlilov, Tərlan Həmdullayev idman ictimaiyyəti nümayəndələri tərəfindən ziyarət ediliblər.
Görüşlərdə şəhər Gənclər və İdman Baş İdarəsinin, Sumqayıt Peşəkar Futbol Klubunun, Olimpiya və Paralimpiya İdman komplekslərinin və 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbinin rəhbər işçiləri iştirak ediblər. Ziyarətlər zamanı qəhrəmanlarımızın keçdiyi şərəfli döyüş yolundan söhbət açılıb, eləcə də şəhid ailələri və qazilərin qayğıları dinlənilib.
