Sumqayıtda kibertəhlükəsizlik sahəsində təlim keçirilib. Sumqayıt24 bu barədə 10 sentyabr tarixində Azərtac-a istinadən xəbər verir.
Təlimə Vətən müharibəsi şəhidləri və qazilərinin 12-17 yaş aralığında olan ailə üzvləri cəlb olunublar. Seminarda uşaqlar üçün "Rəqəmsal bacarıqların inkişafı” və "Təhlükəsiz internet” mövzularında təqdimatlar edilib. İştirakçılar dünyada bu sahədəki mövcud vəziyyət, İT ixtisasları, rəqəmsal bacarıqların inkişaf etdirilməsi, uşaq və yeniyetmələrin internetdə qarşılaşa biləcəkləri təhlükələr, onlarla mübarizə üsulları, internetdən təhlükəsiz istifadə üçün əməl edilməsi vacib olan qaydalar haqqında məlumatlandırılıblar.
Maarifləndirici təlim Elektron Təhlükəsizlik Xidməti tərəfindən "Kiber Smart Ol” layihəsi çərçivəsində təşkil edilib.
