Nizami Gəncəvi adına Kitabxana klubda "Qəlblərdə yaşayan şair" adlı ədəbiyyat saatı keçirilib. Bu haqda 30 mart tarixində Sumqayıt24 “Mədəniyyət Xəbərləri”nə istinadən məlumat verir.
Azərbaycanın xalq şairi Səməd Vurğunun 117 illiyinə həsr olunan "Vurğun poeziya günləri" çərçivəsində təşkil olunan tədbirdə Polad Həşimov adına 28 nömrəli tam orta məktəbin şagirdləri iştirak ediblər. Kitabxana klubun müdiri Ülviyyə İsayeva şairin həyatı, zəngin yaradıcılığı haqqında məlumat verərək, tərcüməçilik fəaliyyətindən bəhs edib və kitabxananın fondunda yer alan kitabların xülasəsini verib. Məktəblilərin ifasında şairin bir neçə şeiri səsləndirilib. Sonda ədəbiyyatşünasın həyat və fəaliyyətini əks etdirən videoçarx nümayiş olunub.
