Saray qəsəbəsindən “20 Yanvar” metrostansiyasına marşrut xəttinin açılması yerli sakinlər tərəfindən sevinclə qarşılanıb. Lakin avtobuslar yalnız “təzə yol” kimi tanınan ərazidən keçir. Bu isə “köhnə yol”da, yəni qəsəbənin “dərinliklərində” yaşayan minlərlə insan üçün onun xidmətlərini əlçatmaz edir.
Sumqayit24.az müraciət edən sakinlər hələ də “manatlıq” taksi və avtobusların ümidinə qaldıqlarını bildiriblər:
“508 nömrəli müntəzəm avtobus marşrutunun fəaliyyətə başladığını eşidəndə qəsəbə sakinləri kimi çox sevindik. Həm rahatlıq və qrafik, həm də maddi baxımdan insanlara çox faydalı oldu. Lakin Saray əhalisinin sıx məskunlaşdığı ərazidən keçməməsi bizi məyus etdi. “Köhnə yol”da yaşayan sakinlər Bakıya getməkdə çətinlik çəkirlər. .
Məsul qurumlardan bizə də kömək etmələrini xahiş edirik”.
Qeyd edək ki, 508 nömrəli avtobusların 12-13 dəqiqə intervalla hərəkət edir. Gediş haqqı isə 0.55 AZn-dir.
